كتب المدون أسامة بن عرفة تدوينة نارية عبر صفحته بالفايسبوك تحدث فيها عن جملة من الجرائم التي يتهم فيها رجل الأعمال محمد فريخة، وهذا ما ورد فيها:
- شركة عجيل وديوان الطيران المدني قالبهم محمد الفريخة في مليارات
- العشرات من الطيارين و العمال في شركة سيفاكس و معاهم حتي المسافرين كيف كيف سارقهم محمد الفريخة في مليارات و أنا على إتصال بعدد منهم و إقترحت عليهم شهادتهم ضد هذا المجرم و فما شكون منهم سلملي أوراق الحكم علي فريخة بدفع مستحقاتو يعني هوني نحكيو علي مستندات موش كلام.
(أسماء بنوك) و معاه البنك التونسي الليبي و معاه الصندوق الوطني للضمان الإجتماعي و معاه القباضة المالية و معاه أموال المساهمين في الشركة هاذم كيف كيف أكثر من 160 مليار سارقهم الفريخة و نشرتلكم حكم المحكمة عندي نهارين.
المصيبة أنو حكم المحكمة كان لازم يكون بالسجن منذ سنة 2017 لأنو عمليات السرقة و التحيل ثابتة و متعددة و لكن سبحان الله القاضي إلي حكم بتسوية الوضعية متاع الشركة زوجتو طلعت تخدم في شركة أخري من شركات الفريخة.
يعني فضيحة و كان جات دولة قانون حتي القاضي يتحاسب
المصيبة الأكبر هي جريمة تسفير الشباب إلي سوريا، في وقت من الأوقات محمد الفريحة أنكر جملة و تفصيلا أنو قام برحلات إلي تركيا
يعمل هكا الصحفي جمال العرفاي و يفضحوا أمام الجميع و يكشف أنو قام بأكثر من 170 رحلة إلي تركيا في تلك الفترة، عاد الفريخة ما لقي ما يقول ياخي قال إي صحيح لكن موش أنا فقط فما شركات أخري قامت بنفس الرحلات كيفي...
أنا بالنسبة لي المجرم الكبير موش فريخة
المجرم الكبير هو القضاء أولا و ثانيا هوما الناس إلي يتعاطفو مع سارق إيديه ملطخة بالدم
