تعرضت غادة شاكة لخيانة من خطيبها ايام قبل زواجها تفاجئت انه عقد عقد قرانه مع زوجة اخرى لتكون صدمة عمرها العاطفية و الشخصية و التى تحولت لتراجيديا انسانية . غادة شاكة هي ممثلة تونسية شابة عرفها الجمهور العريض بدور عربية في المسلسل التاريخي تاج الحاضرة للمخرج سامي الفهري و هي من مواليد سنة 1999 اصيلة ولاية سوسة كما كانت لها مشاركات في السلسلة الفكاهية ان شاء الله مبروك و في الجزء الثاني من مسلسل مشاعر و قد كان للزميل الخلوق الهادي زعيم سبق صحفي للحديث معها حول الحادثة الغريبة التي تعرضت لها و التي هزت الوسط الفني و التي جلبت لها تعاطف كبير و غير مسبوق من جمهورها على مواقع التواصل الاجتماعي حيث يتابعها على موقع انستغرام فقط مليون متابع دون اعتبار بقية المتابعين في فايس بوك و تيك توك و هذه ابرز تصريحات الممثلة غادة شاكة في منوعة فكرة سامي الفهري على قناة الحوار التونسي حيث تكلمت تقريبا اسبوع و نصف بعد الصدمة الجارحة.

حكايتي عبارة مسلسل و نحكي فيها باش تكون عبرة للبنات الي تحب حب أعمى من غير عقل.. أنا كنت صادقة في علاقتي معاه هذاكا علاش ربي كشفهولي.. الإنسان هذا ممثل حتى الطريقة الي تعرّف عليا بيها مسرحية جاني لكواليس مسلسل نمثل فيه بش يشوف صاحبو زعما زعما.. كنا عايشين علاقة مثالية ناقص كان الحصان الأبيض إنسان مثالي تتمناه اي مرا.. بعد كل شي طلع تمثيل.. الفترة الأخيرة مخي بدا يخدم و وليت نشك فيه يخون فيا.. تلفونو يتسكر من 8 لنص الليل و يسافر من غير ما يقلي و يحكيلي مبررات فارغة.. ليلة عرسو يكلم فيا نورمال و وينك و روح شبيك لتوا امخر و يقلي نحبك و يبكي .. من غدوة قاعدة على روحي نورمال اختي تبعثلي تصاور كتبان صداقو.. حسيت بالغدرة".

"وقتلي دخلت للكلينيك هو وقتها ولا يسافر من غير مايقول و معاش يهز عالتليفون وهو يحضر في عرسو ... حاولو يتصلو بيه و مايجاوبش... كي عرف قالي هاك طلعت تحبني... هو مايعرش يحس... في الفترة الأخيرة طلب تفسيخ التصاور قالي عالعينين... و بعد بلوكاني عالانستغرام و قالي ناس الي نخدم معاهم يتحكمو فيا... فما ميساج جاني نهار خطبتي معاه فيه (فيق على روحك راهو مش متاعك) و توا صدقتوا... كنت نستنى إنو بش يراضيني بقيمتي فالظاهر انو معرفش قيمتي... و بقى يكلم فيا حتى ليلة عرسوا و قالي روح للدار شبيك لتوت...وقتها بديت نشك الي حد اخر في حياتو... قاعدة في الدار و اختي بعثتلي تصاور كتبان الصداق و حسيت وقتها غدرة... لليوم مزال يحكي و قال بش يشكي عالتشهير و هو ناسي الي هبط تصويرة عرسو ... الحمد لله الي فما عايلتي ...المرسديس هديتها لروحي من اول مليم لآخر مليم مش هو و انا تعبت عليها مالصباح لليل في مشروعي في الخياطة و عندي brand بإسمي و هو مهدالي شي و انا هديتلو...".