رغم سنوات على طلاقهم مازالت الحرب الكلامية بين لاعب كرة القدم السابق خالد القربي و طليقته الانستغراموز سوسن المصمودي، و قد ردت المصمودي على اتهامات طليقها بفيديو فيه التصريحات التالية:
"امان رانا مطلقين من 2017.. و انتي كل ما تخرج تحكي عليا... فهمنا الي انا غلطة عمرك.. يا سيدي انا خايبة انا شيطان بجاه امك سيب امي أنا.. ياخي سوسن عملتلك حكاكة تل؟ انا لا نكلمك لا ندور بيك سيبني.. ما خممتش بنتك عمرها 11 سنة في طولك كي تمشي تقرا اش بش يقولولها كي تحكي على أمها هكاكا... بناتي انا محببتهم فيك ومرتك يحبوها ويحبو خوهم نحكي عليك كان بالباهي كان جيت نحكي خنارك وربع الي عملتو في امهم ما عادش يغزرولك حتى بشطر عين.. اما انا بنت اصل.. ما حكيناش على النفقة الي شهر تبعثها و شهر لا.. امان خرجني من مخك ابعدني ماناش فرد مستوى إنساني ملا منظر أحرف ما زعيم كان في التجغجيغ برا اخدم ولا اعمل حاجة في حياتك لاهي بيا انا مكبوبة على بناتي من الصباح للليل.. فهمنا الي انتي تحب مرتك و متهنين يا خويا ما عادش تجبدني... وين تطلع في الإعلام مرتي غلطة صغر و ما وقفتش معايا كي طاحت بيا الدنيا... منين طاحت بيك و انتي تحوس في رانجروفر و تلبس في الماركات و عندك شركة... يا سيدي كي انا خايبة سيبني اعتقني.. انا خرجت نحكي مش غايضتني روحي غايضيني بناتي... يحبلي نهارين و انا نفهم فيهم و نرقّع فلي عمتلو... هوكا انتي تفسد و انا نصلح انتي تجرح و انا نداوي".
يذكر ان سوسن المصمودي لازالت تثير الجدل في موقع الانستغرام و اصبحت من المثيرات و المؤثرات فيه.
